2. Aplicacións vivas, evolución en tempo real.

A tecnoloxía está en evolución constante e, en consecuencia, o modo en que as empresas desenvolven os seus negocios tamén.

Unha aplicación informática xa non pode ser un produto que se entrega e vaise mantendo con mínimos cambios ata que se volve obsoleto e hai que refugalo totalmente, senón que debe ser un produto en evolución constante, que se adapte ás novas necesidades.

Ademais, o coñecemento da lóxica de negocio ten que estar salvagardado de cambios tecnolóxicos de forma que, se unha linguaxe, sistema operativo, base de datos... queda obsoleto, a contorna sexa capaz de rexeneralo de novo a partir desa lóxica de negocio xa definida.

INTERGAL viviu a experiencia de converter aplicacións a partir dun modelo de lóxica de negocio dunha contorna propietaria de WANG (sistema operativo, base de datos e Cobol), a contornas actuais como Java, J2EE, Windows e Oracle, pasando por Visual Basic e SQLServer. Son aplicacións vivas que se seguen mantendo, con cambios constantes nas súas funcionalidades provocadas por novas necesidades. Toda a conversión realizouse en tempo real, é dicir, sen deixar de funcionar a aplicación en ningún momento.

3. Boa comunicación usuario/programador.

A linguaxe usada polo programador debe ser o máis próximo ao utilizado polo usuario. Así é como funciona o modelo de Regras de Lóxica de Negocio xestionado por VERSATA onde unha especificación dos clientes equivale a varias regras de negocio, que se introducen no sistema dun modo sinxelo. Isto facilita enormemente a comunicación entre o usuario (necesidade) e o programador (solución).

Ao dispor, ademais, dunha contorna de alta produtividade que automaticamente converte estas definicións en aplicacións funcionais, pódese mostrar o resultado ao usuario rapidamente, traballando sobre resultados reais e non teóricos.

Cando a contorna é altamente modificable, o custo de erros é moito máis baixo, o que permite asumir moitos máis riscos, sen necesidade de dedicar tempo excesivo en probas e contraprobas.

As novas funcionalidades ponse en práctica en espazos de tempo moi curtos, permitindo unha comunicación tremendamente áxil e efectiva co usuario.

4. Independencia do programador.

Non pode ser admisible que unha aplicación non se poida manter ao desaparecer o seu creador. Pero esta dependencia redúcese drasticamente ao usar un modelo de lóxica de negocio.

INTERGAL entregou proxectos completos para que se fagan cargo outros programadores, cunha mínima experiencia na contorna, con apenas 1 ou 2 meses de tempo necesario de transmisión de coñecemento.

Isto só é posible apoiándose en ferramentas e contornas apropiadas. INTERGAL apostou por VERSATA, posto que cobre practicamente todas as necesidades neste sentido, entendendo que se trata actualmente da mellor ferramenta do mercado.}